ලොරියකට යට වී කුඩා දැරියක් මරුට

ඊයේ (28) හසලක - ඇටබගොල්ල ප්‍රදේශයේදී ලොරි රථයක පිටුපස රෝදයට යටවීමෙන් වයස අවුරුදු එකයි මාස 10ක් වූ කුඩා දැරියක් මියගොස් තිබේ.

මව සහ පියා සමඟ දැරිය ඥාති නිවසකට ගොස් සිටි අවස්ථාවේ, එම නිවසේ තිබූ ලොරි රථයක් ඉදිරියට ගමන් කිරීමෙන් මෙම අනතුර සිදු වූ බව වාර්තාවේ.

අනතුරෙන් බරපතළ තුවාල ලැබූ දැරිය මහියංගණය රෝහලට ඇතුළත් කර ප්‍රතිකාර ලබමින් සිටියදී ජීවිතක්ෂයට පත්වී ඇත.

අදාළ රථයේ රියදුරු අත්අඩංගුවට ගෙන ඇති අතර, සිද්ධිය පිළිබඳ වැඩිදුර විමර්ශන ක්‍රියාත්මක වේ.

#Accident #SinhalaNews #GossipLanka