ට්‍රාන්ස්ෆෝමර් කම්බි කපා මරු තුරුළට

ට්‍රාන්ස්ෆෝමර් වල කම්බි කැපීමට ගිය පුද්ගලයෙකු විදුලි සැර වැදී මිය යාමේ පුවතක් අම්පාරෙන් වාර්තා වුනා.

මිය ගිය පුද්ගලයා අම්පාර, නවගම්පුර ප්‍රදේශයේ පදිංචිකරුවෙකු බව සඳහන් වෙනවා.

මියගිය පුද්ගලයා තවත් පිරිසක් සමඟ 26 දින පාන්දර 2.00ට පමණ  අම්පාර කාර්මික ප්‍රදේ­ශයේ විදු­ලිය බෙදා­හ­රින ස්ථාන­යක තඹ කම්බි කැපී­මට පැමිණ තිබේ. පසුව කම්බි ඇති ස්ථාන­යට නැඟ තඹ කම්බි කැපී­මට උත්සාහ කිරීමේදී වෝල්ට් 30,000 ක අධි විදු­ලි­ සැර වැදී එල්ලි සිටින විට ගම්වැසියෝ පොලීසිය සහ විදුලි බල මණ්ඩලය දැනුවත් කර ඇත.

විදුලිය විසන්ධි කර ඔහුව බිමට ගන්නා විටත් ඔහු මිය ගොස් සිටි බව පොලීසිය සඳහන් කරයි.

මීට මාස 2කට පමණ පෙරත් අම්පාර ප්‍රදේශයේ ට්‍රාන්ස්ෆෝ­ම­ර්වල පොළො­වට සම්බන්ධ කර ඇති භූගත රැහැන් 17ක් කිසි­යම් කණ්ඩා­ය­මක් විසින් කපා­ගෙන ගොස් ඇති බව වාර්තා වෙනවා.

#News #Sinhala #LankaGossipHub